ՋԱՆԻՑ ՔԱՅԼԵՐԳ

Home Page / Newsletters / ՋԱՆԻՑ ՔԱՅԼԵՐԳ

ՋԱՆԻՑ  ՔԱՅԼԵՐԳ                                  

1-    Ջանքի՛ ընկերներ, օ՛ն, մեր ուխտն յիշենք,

Բարիք գործելու կոչումն ունինք մենք.

Ջանքով եռանդուն, անխոնջ, անվըհատ,

Սերմանենք բարիք, օրհնութիւն առատ:

 

2-    Օ՛ն, լինենք աշխոյժ, գործօն, ջանասէր,

Ջանքի արդիւնքն են ոսկեգոյն հասկեր,

Ա՛լ կըրկնապատկենք մեր անձնուէր ջանք,

Հունձքին մեծ օրը վարձք պիտ’ ըստանանք:

 

3-    Մեր ջանքի հունձքը յաջող ու բեղուն

Ցընծումով պիտի մեր սիրտերն զեղուն.

Ժըրաջան մըշակն ի տես ճոխ հունձքին

Հըրճուի վայլելով արդիւնքն իր ջանքին:

 

4-    Միշտ հաւատարիմ վեհ կոչումին մեր

Խանդավառ գործենք մինչ գայ հունձքին Տէրն,

Տարածենք սէր, լոյս, բարիք անպայման,

Եւ ուրախանանք այժմ ու յաւիտեան:

 

Կրկն. Արի՛ք, ընկերնե՛ր, արդ պատեհ ժամ,

           Նըւիրուինք գործի միշտ ալ յօժարակամ.

           Հունձքի օրն կու գայ,ուրախանանք,           

           Հունձքի Տէրոջ յարաժամ փառք տանք:

Ք. Ջ. ՄԻԱՑԵԱԼ ՊԱՏԱՆԵԱՑ ՊԱՇՏԱՄՈՒՆՔ...

Կիրակի, 5 Փետրուարի պաշտամունքը անդամական էր եւ յատկացուած շրջանաւարտ եղող Պատանիներուն:

Պաշտամունքի առաջնորդութիւնը կատարեց պատանուհի՝ Արտա Գերպապեան, փառաբանութեան երգերով եւ խորհրդածութիւնով՝ «Մեր մեղքերը Աստուծոյ խոստովանիլ», ապա Սաղմոսի ընթերցում եւ աղօթք:

Պատանիներ յաջորդաբար ներկայացուցին զանազան նիւթեր.- Ասատուր Մնչէրեան՝ «Աստուծոյ խոստումին Կարեւորութիւնը»: Խաչիկ Պարուշեան՝ «Խեցամորթներու պատեանին մէջ կազմուող մարգարիտ»ի մասին: Տիանա Օհանեան՝ «Պատանի շրջանի կեանք»ի մասին: Ճորճ Մահշիկեան՝ «Ինքնաշարժ»ի մասին գիտելիքներ:

Ընդհ. Առաջնորդ՝ Պրն. Յարութ Պարտագճեան քաջալերական կոչ ուղղեց նոր գիտելիքներ ունենալու, յատկապէս՝ Աստուծոյ մասին միշտ սերտելու:

Պաշտամունքը վերջ գտաւ յայտարարութիւններով, ՊԱ Քայլերգով եւ բաժանման աղօթքով:

 

 

 

 

 

ՀԱՅ ԱՒԵՏ. ԷՄՄԱՆՈՒԷԼ ԵԿԵՂԵՑԻԻ ԵՐԻՏԱՍԱՐԴ ԶՈՅԳԵՐ

Հ Ա Ւ Ա Ք Ո Յ Թ – Ը Ն Թ Ր Ի Ք

Ուրբաթ, 17 Փետրուար 2012-ին, երեկոյեան ժամը՝ 8.30,

                                                     Եկեղեցւոյ սրահէն ներս:

 

 

 

 

 

Ք. ՋԱՆԻՑ ՄԻԱՑԵԱԼ ՊԱՇՏԱՄՈՒՆՔ... Կիրակի, 5 Փետրուարի պաշտամունքը տեղի ունեցաւ Նահատակաց Եկեղեցիի Լեւոնեան սրահին մէջ:

Պաշտամունքը առաջնորդեց Օրդ. Նայիրի Թաթարեան, 95-րդ Սաղմոսի ընթերցու-մով, փառաբանութեան երգերով եւ խորհրդածութիւնով՝ «Աստուծոյ վստահիլ եւ անոր տուած անտեսանելի բարիքներուն շնորհակալութիւն յայտնել»:

Պատ. Իլիաս Ճապպուր փոխանցեց օրուան հոգեւոր նիւթը՝ «Եկեղեցիին դերը իր երկրին եւ անոր ժողովուրդին հանդէպ» հիմնուած՝ Մատթ. 25.31-46 համարներուն վրայ: Ան մանրամասն բացատրեց թէ Եկեղեցիին դերը Տէր Յիսուսի սէրը յայտնելով տկարին եւ կարօտեալին օգնութեան հասնիլն է: Ինչպէս նաեւ արդարութիւն եւ խաղաղութիւն սփռելն է:

Պաշտամունքը վերջ գտաւ յայտարարութիւններով, Ջանից քայլերգով եւ բաժանման աղօթքով:

 

 

 

ՏԻԿՆԱՆՑ ՊԱՇՏԱՄՈՒՆՔ... Հինգշաբթի, 9 Փետրուարի պաշտամունքը առաջնորդեց՝ Տիկ. Անի Խպըճեան, փառաբանութեան երգերով եւ փոխասաց ընթերցումով: Ապա տեղի ունեցաւ աղօթքի պահ:

Օրուան զարգացման նիւթը՝ «2011-ի Նշանաւոր Դէմքերն Ու Կարեւոր Դէպքեր»-ը ներկայացուցին՝ Սեւակ Հաճեան եւ Ճորճ Պալեան: Անոնք տեսաերիզի միջոցաւ եւ տպաւորիչ երաժշտութեան օգնութեամբ ներկայացուցին 2011-ի քաղաքական, հայկական, մարզական եւ արտասովոր դէպքերը եւ նշանաւոր դէմքերը:

Բժշկհ. Ալինա Մկրտիչեան, շնորհակալական եւ գնահատանքի խօսք ուղղեց բոլոր բաժին բերողներուն:

Պաշտամունքը վերջ գտաւ յայտարարութիւններով եւ Տէրունական աղօթքով:

                                                                                                                            

 

 

 

ՀԱՅ ԱՒԵՏ. ԷՄՄԱՆՈՒԷԼ ԵԿԵՂԵՑԻԻ ՏԻԿՆԱՆՑ ՊԱՇՏԱՄՈՒՆՔ

«ՎԱՐԴԱՆԱՆՑ ՏՕՆԱԿԱՏԱՐՈՒԹԻՒՆ»

Դասախօս՝ Տիար Անդրանիկ Ինճէճիկեան

 

Հինգշ., 16 Փետր. 2012, կ.ա. ժամը՝ 10-ին, Էմմ. Եկեղեցւոյ սրահէն ներս:

 

 

 

ՀԱՅ ԱՒԵՏ. ԷՄՄԱՆՈՒԷԼ ԵԿԵՂԵՑԻԻ  Ք. ՋԱՆԻՑ ՊԱՇՏԱՄՈՒՆՔ

2011-ի «Նշանաւոր Դէմքեր եւ Կարեւոր Դէպքեր»

Կը ներկայացնեն՝ Սեւակ Հաճեան եւ Ճորճ Պալեան

Կիրկ., 19 Փետր. 2012, կ.ե. ժամը՝ 6.00-ին, Էմմ. Եկեղեցւոյ սրահէն ներս:

 

 

 

                                                                                                         

                                                                                                     

...ՆՈՒԻՐԱՏՈՒՈՒԹԻՒՆՆԵՐ...

Տիար Սամուէլ Թօգմաքճեանի մահուան տխուր առիթով.-

Տէր եւ Տիկ. Մարտիկ եւ Թամար Պօզեագալեան       Եկեղեցիին 300 ս.ո. 

Տէր եւ Տիկ. Յակոբ եւ Իսկուհի Գրաճեան                               "        300 ս.ո.

Տիկ. Լուսին Ֆէրմանեան                                                           "        100 ս.ո.

 

Տիկ. Սեդա Վարդանեանի յիշատակին.-

Օրդ. Ալինա եւ Պրն. Տիրան Վարդանեան

  Տիկնանցին 500, Եկեղեցիին 500 ս.ո.                                          

Օրդ. Մարի Թաշճեան                                                             "         500 ս.ո.

Տէր եւ Տիկ. Գրիգոր եւ Լուսին Թահմիզեան   Կիրակն. Դպրոցին 500 ս.ո.        

Տէր եւ Տիկ. Մարտիկ եւ Թամար Պօզեագալեան                "         300 ս.ո.

Տէր եւ Տիկ. Յակոբ եւ Մէյրի Մանուկեան                             "         200 ս.ո.

Տիար Վահէ Մանուկեան                                                         "         100 ս.ո.                   

 

ՇՆՈՐՀԱԿԱԼՈՒԹԻՒՆ... Օրդ. Ալինա եւ Պրն. Տիրան Վարդանեաններուն, որ հիրասիրեցին Եկեղեցիիս ժողովուրդը անցեալ Կիրակի օր, իրենց մօր՝ Տիկ. Սեդա Վարդանեանի յիշատակին:

 

 

 

 

[Back to News]