ՍԻՐՈՅ ՈՒԺԸ

ՍԻՐՈՅ ՈՒԺԸ

Վերջերս մարդիկ սկսած են տարին մէկ անգամ անդրադառնալ սիրոյ եւ այդ ալ Փետրուար ամսուան մէջ՝ նուէրներու փոխանակումով:

Պօղոս Առաքեալ Ա. Կորնթ. 13.1-13 համարներուն միջոցաւ ցոյց կու տայ Աստուծոյ սէրը, որ նաեւ մարդ արարածը կանչուած է ապրելու միեւնոյն ուղղութեամբ:

1- Սիրոյ Արժէքը: 1-3 համարներուն միջոցաւ Պօղոս Առաքեալ կը շեշտէ թէ սէրը խօսքով եւ ճարտասանութիւններով չէ, այլ՝ խօսքը սիրով լեցուած ըլլալու է եւ ցոյց կը տրուի ապրուած կեանքով:

2-Սիրոյ Քննութիւնը: 4-7 համարներուն միջոցաւ Պօղոս Առաքեալ ցոյց կու տայ քննութիւն մը, որ եթէ մարդ արարածը յաջողի կը նշանակէ թէ յաջողած է սիրոյ  մէջ:

Իւրաքանչիւր անձ կանչուած է քննելու ինքզինք եւ հարցնելու թէ որքանո՞վ համբերող է, քաղցրութեամբ կը վարուի, նախանձոտ չէ եւ շարքը կ’երկարի...:

Այսօր ժամանակն է անդրադառնալու թէ կանչուած ենք Աստուածային սիրով լեցուելու, որպէսզի ընտանիքի անդամներ իրարու հետ միաբանութեամբ ապրին եւ աճին Տէր Յիսուս Քրիստոսով: Ամէն:

                                                                                       Ս.Ճ.Մ. 

ՋԱՆԻՑ ՕՐ – ՎԱՐԴԱՆԱՆՑ – ԱՂՕԹՔ ՍՈՒՐԻՈՅ ՀԱՄԱՐ...

    Կիրակի, 12 Փետրուարին, եկեղեցիի պաշտամունքը նուիրուած էր՝ «Ջանից Օր» ուան:

     Յովիկ Ակիշեան ներկայացուց 2011 տարեշրջանի  Ջանից տեղեկագիրը: Մեղրիկ Ճապաղջուրեան բաժնեկցեցաւ իր վկայութիւնը: Սեւակ Հաճեան բաժին բերաւ մեներգով մը, նաեւ Ջանիցականներու խումբը մասնակցեցաւ պաշտամունքին երկու երգով, ընկերակցութեամբ՝ Արտա Գերպապեանի՝ դաշնակ, Խաչիկ Գերպապեանի՝ կիթառ եւ Նուշիկ Թաշճեանի՝ ֆլիւթ:

     Եկեղեցիիս հովիւը՝ Վեր. Սերոբ Մկրտիչեան փոխանցեց օրուան պատգամը նիւթ ունենալով՝ «Վարդանի Հաւատքը Եւ Ջանիցականը» հիմնուած Եբր.11. 1,32-38 համարներուն վրայ: Ապա մատուց յատուկ աղօթք Սուրիոյ խաղաղութեան համար:

    Պաշտամունքէն ետք մինչ ժողովուրդը սրահ կ'ուղղուէր, Ջանիցականներուն կողմէ բաժնուեցաւ էջանիշեր որուն վրայ արձանագրուած էր հետեւեալ համարը.- «Ուստի ամէն ինչ որ կ'ուզէք որ մարդիկ ձեզի ընեն, դուք ալ անոնց այնպէս ըրէք, քանզի այս է օրէնքը ու մարգարէները»  (Մատթ. 7.12):

Ք.Ջ. ՄԻԱՑԵԱԼ ՊԱՏԱՆԵԱՑ «ՇՐՋԱՆԱՒԱՐՏԻՑ ՊԱՇՏԱՄՈՒՆՔ» ԵՒ «ՋԱՆԻՑ ՕՐ»...

    Տեղի ունեցաւ՝ Կիրակի, 12 Փետրուար, կէսօր ժամը՝ 12:00-ին, Հայ Աւետ. Էմմանուէլ Եկեղեցիին մէջ: Պաշտամունքը սկսաւ Պատանեաց  քայլերգով, առաջնորդութեամբ՝ Օրդ. Ալին Այնիլեանի, Նուագի ընկերակցութեամբ Արտա Գերպապեանի՝ դաշնակ եւ Արշակ Հաճեանի՝ կիթառ: Շրջանաւարտները իրենց բաժինը բերին՝ երգով, վկայութիւններով, տպաւորութիւններով եւ Պատանեաց գործունէութիւններուն տեղեկութիւններով:

Օրուան  պատգամը  փոխանցեց՝  Վեր.  Յարութիւն  Սելիմեան,  նիւթ ունենալով՝ «Փոփոխութիւն» հիմնուած Յովհ. 5. 1-11 համարներուն վրայ:

     Պատանեաց Ընդհանուր առաջնորդ՝ Պրն. Յարութ Պարտագճեան շնորհաւորեց պատանի-ները եւ հրաւիրեց Վեր. Յարութիւն Սելիմեանը, Վեր. Սերոբ Մկրտիչեանը եւ Պատ. Սիմոն Տէր Սահակեանը փոխանցելու շրջանաւարտներուն Աստուածաշունչեր եւ յուշանուէրներ:

     Ք.Ջ. Գործադիր Մարմինի Ատենապետ՝ Վեր. Սերոբ Մկրտիչեան, Ք.Ջ. Գործադիր Մարմինի խօսքը փոխանցեց, հիմնուելով Հռովմ. 12.11 համարին վրայ եւ ապա յատուկ աղօթք մատուց շրջանաւարտ պատանիներուն: Ապա հրաւիրեց շրջանաւարտները միանալու Ջանից շարքերուն՝ «թուլասիրտ չ’ըլլալ, Սուրբ Հոգիով լեցուիլ եւ  ծառայութիւն մատուցանել Քրիստոսի եւ Իր Եկեղեցիին, Հայ ազգին եւ Համայն մարդկութեան»:

     Պաշտամունքը վերջ գտաւ Վեր. Սելիմեանի Առաքելական օրհնութեամբ:

Շրջանաւարտ եղան.- Արտա Գերպապեան, Դալար Թաթարեան, Ասատուր Մնչէրեան, Խաչիկ Պարուշեան, Տիանա Օհանեան, Մեղեդի Հարպոյեան, Ճորճ Մահշիկեան, Ռօզալին Փոստալեան, Քրիստին Աստուրեան, Միհրան Գոնտրաճեան:

Միացեալ Պատանեացէն Շրջանաւարտ Ըլլալուն Առիթով կը Նուիրեն.-

Դալար Թաթարեան                               Եկեղեցիին 500,  Միացեալ Պատանեացին 500 ս.ո.                           

Արտա Գերպապեան                                        "                                                     "         500 ս.ո.                                                                                                     

Ք.Ջ. «ՏԱՐԵԿԱՆ ՃԱՇԿԵՐՈՅԹ»...

      Ք.Ջ. Գործադիր Մարմինի կազմակերպած տարեկան Ճաշկերոյթը տեղի ունեցաւ՝ Կիրակի, 12 Փետրուար, կէսօր ժամը՝ 1:30-ին,  60 ջանիցականներու եւ շրջանաւարտ պատանիներու ներկայութեամբ, Հայ Աւետ. Էմմանուէլ Եկեղեցւոյ սրահին մէջ:

     Օրուան ճաշի աղօթքը մատուց՝ Պատ. Սիմոն Տէր Սահակեան:

    Յայտագիրը վարեց՝ Պրն. Ասպետ Չոլաքեան, որ խաղերով խանդավառեց մթնոլորտը: Լօերու վաճառքով ջանիցականներ բախտաւորուեցան:

    Հրամցուած կարկանդակներուն միջոցաւ,  օրուան բախտաւոր ջանիցականը եղաւ՝ Թամար Ժամկոչեան, որմէ ետքը Ք.Ջ. Գործադիր Մարմինի անդամներն ու շրջանաւարտ պատանիները հատեցին օրուան կարկանդակը:

     Ք.Ջ. գործադիր Մարմինի Ատենապետ՝ Վեր. Սերոբ Մկրտիչեան իր փակման խօսքին մէջ անդրադարձաւ Ջանից ուխտին եւ նշանաբանին, ուր ջանիցականներ կանչուած են ծառայելու Քրիստոսի եւ Եկեղեցիին, ապա շնորհակալութիւն յայտնեց բոլոր բաժին բերողներուն:

     Ճաշկերոյթը վերջ գտաւ Վեր. Մկրտիչեանի Օրհնութեան աղօթքով:

ՄԱՆՉ ԶԱՒԱԿՈՎ ՄԸ ՕՐՀՆՈՒԵՑԱՆ

Տէր եւ Տիկ. Պերճ եւ Մարիա Մսրլեան

    Անուն՝   Սերժ

Երեքշաբթի, 14 Փետրուար 2012-ին:

Աստուծոյ խնամքին, առաջնորդութեան եւ հոգածութեան

կը յանձնենք նորածինն ու ծնողքը:

Այս ուրախ առիթով կը նուիրեն.-

Տէր եւ Տիկ. Պերճ եւ Մարիա Մսրլեան              Եկեղեցիին 5000 ս.ո.

               ՀԱՅ ԱՒԵՏ. ԵԿԵՂԵՑԻՆԵՐՈՒ ՄԻԱՑԵԱԼ ՏԻԿՆԱՆՑ ՊԱՇՏԱՄՈՒՆՔ

ՄԵԾ ՊԱՀՔ ---   Պատգամաբեր՝ Վեր. Սերոբ Մկրտիչեան                               

Չորեքշ., 22 Փետր. 2012, կ.ա. ժամը՝ 10-ին, Էմմ. Եկեղեցւոյ սրահէն ներս:

                                           ...ՆՈՒԻՐԱՏՈՒՈՒԹԻՒՆՆԵՐ...

Ապաքինման ուրախ առիթով.-

Տէր եւ Տիկ. Եդուարդ եւ Էօժէնի Մանուկեան                 Եկեղեցիին 1000 ս.ո.

                                                     Տիկնանցին 500, Կիրակն. Դպրոցին  500 ս.ո.

Ջանից Օրուան առթիւ.-

Տէր եւ Տիկ. Յարութ Հաճեան                                                  Ջանիցին 300 ս.ո.

Առիթներով.-

-Մի Ոմն                                                           Բարեսիրական Ֆօնտին 500 ս.ո.

-Օրդ. Զարուհի Պետոյեան                                                  Եկեղեցիին 100 ս.ո.

ՇՆՈՐՀԱԿԱԼՈՒԹԻՒՆ... Տէր եւ Տիկ. Րաֆֆի եւ Լենա Պօզեագալեաններուն, որ հիւրասիրեցին Եկեղեցիիս ժողովուրդը անցեալ Կիրակի օր, իրենց ծնողաց՝ Յակոբ եւ Մարի Պօզեագալեաններու յիշատակին: